நடிகர் பிரபுதேவா முதன்முறையாக காவல் துறை அலுவலராக நடிக்கும் திரைப்படம் 'பொன் மாணிக்கவேல்'. இதில் பிரபுதேவாவுக்கு ஜோடியாக நிவேதா பெத்துராஜ் நடித்துள்ளார். மேலும், சுரேஷ் சந்திர மேனன், இயக்குநர் மகேந்திரன், சூரி உள்ளிட்ட பிரபலங்கள் முக்கிய கதாபாத்திரங்களில் நடித்துள்ளனர்.
இந்த படத்தை 'கண்டேன்' படத்தின் இயக்குநர் ஏ.சி.முகிலன் இயக்குகிறார். ஜெபக் நிறுவனம் சார்பில் ஹித்தேஷ் ஜெபக் தயாரிக்கும் இப்படத்திற்கு இமான் இசையமைத்துள்ளார். ஏற்கனவே இந்த படத்தின் டீசர் மற்றும் பாடல்கள் வெளியாகி ரசிகர்கள் மத்தியில் பெரும் எதிர்பார்ப்பை ஏற்படுத்தி இருந்தது. தற்போது இப்படத்தின் ட்ரெய்லர் வெளியாகியுள்ளது.