’சாஹோ' திரைப்படத்தை தொடர்ந்து நடிகர் பிரபாஸ் நடிப்பில் உருவாகிவரும் திரைப்படம், 'ராதே ஷ்யாம்'. ராதா கிருஷ்ணகுமார் இயக்கி வரும் இப்படம் தமிழ், தெலுங்கு, ஹிந்தி, மலையாளம் ஆகிய 4 மொழிகளில் தயாராகி வருகிறது.
இத்திரைப்படத்தின் படப்பிடிப்பு தற்போது விறுவிறுப்பாக ஜார்ஜியாவில் நடைபெற்று வருகிறது. ‘ராதே ஷ்யாம்’ படத்தின் அப்டேட் வெளியிடுமாறு ரசிகர்கள் தொடர்ந்து கோரிக்கை வைத்து வந்த நிலையில், நேற்று(அக்.22) பிரபாஸின் போஸ்டர் ஒன்று வெளியாகி ரசிகர்களின் எதிர்பார்ப்பை தூண்டியது.
இதற்கிடையில் பிரபாஸ் இன்று(அக்.23) தனது 41ஆவது பிறந்தநாளை கொண்டாடுகிறார். இதையொட்டி அவருக்கு பலரும் சமூக வலைதளங்களில் வாழ்த்து தெரிவித்து வருகின்றனர்.
இந்நிலையில் பிரபாஸ் பிறந்தநாளுக்கு பரிசு தரும் வகையில், ’ராதே ஷ்யாம்’ படக்குழு படத்தின் மோஷன் போஸ்டரை வெளியிட்டுள்ளது. ரயிலில் பிரபாஸும், பூஜா ஹெக்டேவும் ரொமான்ஸ் செய்யும் காட்சிகள் அதில் இடம்பெற்றுள்ளது. மேலும் மோஷன் போஸ்டரில் உள்ள பிண்னனி இசை ரசிகர்களை வெகுவாக கவர்ந்துள்ளது. விரைவில் இப்படத்தின் கூடுதல் தகவலை படக்குழு விரைவில் வெளியிடும் என்று எதிர்பார்க்கப்படுகிறது.
இதையும் படிங்க:சிம்பு பிரச்சனையை கடவுள் பார்த்துக்கொள்வார் - டி.ராஜேந்தர்