நடிகர் பிரபு தேவா நடிப்பில் உருவாகியுள்ள பஹீரா படத்தை, ஆதிக் ரவிச்சந்திரன் இயக்கியுள்ளார். இதில் சாக்ஷி அகர்வால், ரம்யா நம்பீசன், காயத்ரி, ஜனனி ஐயர், அமைரா, சஞ்சிதா ஷெட்டி, சோனியா அகர்வால் உள்ளிட்டோர் நடித்துள்ளனர்.
இப்படத்தின் ட்ரெய்லர் வெளியீட்டு விழா இன்று (அக். 8) சென்னையில் நடைபெற்றது. இவ்விழாவில் படக்குழுவினர் அனைவரும் கலந்துகொண்டனர்.
அப்போது பேசிய இயக்குநர் ஆதிக் ரவிச்சந்திரன், "கரோனா நோய்த் தொற்றுக்குப் பிறகு வித்தியாசமான படம் எடுக்க விரும்பினேன். படம் அருமையாக வந்துள்ளது. பாடலை கேட்டதும் பிரபு தேவா ஓகே சொல்லிவிட்டார். படத்தில் யாருமே கதாநாயகி கிடையாது. ஒவ்வொரு கதாபாத்திரத்திற்கும் முக்கியத்துவம் இருக்கும்.
பிரபுதேவா இல்லை என்றால் பஹீரா கிடையாது. அவர் செய்ய நினைத்ததை எல்லாம் என்னை வைத்துச் செய்துகொண்டார்" எனத் தெரிவித்துள்ளார்.
இதையும் படிங்க:கௌரி கான் பிறந்த நாள்: கொண்டாட்ட மனநிலையில் இல்லாத ஷாருக்கின் குடும்பம்