சுற்றுலாத்தலம் போல் இருந்தது - பீஸ்ட் குறித்து பூஜா ஹெக்டே

நடிகை பூஜா ஹெக்டே பீஸ்ட் படத்தில் தனது  காட்சி முழுவதும் படமாக்கப்பட்டுள்ளதாகத் தெரிவித்துள்ளார்.

தளபதி விஜய் நடிப்பில் நெல்சன் இயக்கத்தில் உருவாகிவரும் படம் ’பீஸ்ட்’. சமீபத்தில் படத்தின் 100 நாள் நிறைவடைந்ததாக இயக்குநர் அறிவித்திருந்தார்.

நாயகியாக பூஜா ஹெக்டே நடிக்கும் இப்படத்தை சன் பிக்சர்ஸ் நிறுவனம் தயாரிக்கிறது. மேலும் இயக்குநர் செல்வராகவன், யோகி பாபு, விடிவி கணேஷ் உள்ளிட்டோர் முக்கியக் கதாபாத்திரங்களில் நடித்துவருகின்றனர்.

இந்நிலையில் பீஸ்ட் படத்தில் தனது காட்சி முழுவதும் படமாக்கப்பட்டுள்ளதாக பூஜா ஹெக்டே தெரிவித்துள்ளார். இது குறித்து அவர் வெளியிட்டுள்ள காணொலியில், "பீஸ்ட் படத்தில் நடித்தது மிகுந்த மகிழ்ச்சியாக இருக்கிறது. படப்பிடிப்பில் நிறைய சிரித்தோம்.

உங்களுக்கும் படம் பார்க்கும்போது, கண்டிப்பாக அந்த அனுபவம் இருக்கும். முழுக்க முழுக்க படம் நெல்சன் ஸ்டலிலும், விஜய் ஸ்டைலிலும் உருவாகியுள்ளது. ரசிகர்களுக்கு ஒரு முழு என்டர்டெயின்மென்ட் காத்திருக்கிறது.

படப்பிடிப்பு சென்றதுபோல் இல்லாமல் சுற்றுலா போனதுபோல் இருந்தது. பீஸ்ட் படப்பிடிப்பில் எனது காட்சி முடிந்துவிட்டது. விரைவில் நான் உங்களைத் திரையரங்குகளில் சந்திக்கிறேன்" எனத் தெரிவித்துள்ளார்.

இதையும் படிங்க: நயன்தாரா தொடங்கிய புதிய தொழில்? தேடுதல் வேட்டையில் ரசிகர்கள்!