பொன்னியின் செல்வன் சீரிஸை தொடங்கிய சௌந்தர்யா ரஜினிகாந்த் டீம்

புது வெள்ளம் எனும் பொன்னியின் செல்வன் முதலாம் சீசனை தொடங்கியுள்ளதாக சௌந்தர்யா ரஜினிகாந்த் தெரிவித்துள்ளார்.

ரஜினிகாந்தின் மகளும், இயக்குநருமான சௌந்தர்யா ரஜினிகாந்த், புது வெள்ளம் எனும் பொன்னியின் செல்வன் வெப் சீரிஸை தொடங்கியுள்ளார்.

இதுகுறித்து அவர் தனது ட்விட்டர் பக்கத்தில், ஒவ்வொரு ப்ராஜெக்டுக்கும் அதற்கான பயணமும் இலக்கும் இருக்கும். பல தடைகளை கடந்து எங்கள் குழு புது வெள்ளம் எனும் பொன்னியின் செல்வன் வெப் சீரிஸுக்கான பணியை தொடங்கியுள்ளது. எனது குழுவுடன் சேர்ந்து பணியாற்ற காத்திருக்க முடியவில்லை என குறிப்பிட்டுள்ளார்.

சௌந்தர்யா இயக்கிய ‘கோச்சடையான்’ திரைப்படம் எதிர்பார்த்த அளவு வெற்றி பெறவில்லை; எனினும் விமர்சகர்களின் பாராட்டை பெற்றது. அதன்பிறகு விஐபி 2 படத்தை இயக்கி வெற்றி கண்டார். தற்போது புது வெள்ளம் என்ற இந்த வெப் சீரிஸ் ப்ராஜெக்டில் இணைந்துள்ளார். சாரதி ஜோதி என்பவர் இந்த சீரிஸை இயக்குகிறார்.

இதையும் படிங்க:அண்ணாத்த ஆடுறார் ஒத்திக்கோ...