ரசிகர்களுக்கு நன்றி தெரிவித்த பார்த்திபன்

நடிகர் பார்த்திபன் தனது படத்திற்கு தலைப்பு தெரிவித்த அனைவருக்கும் நன்றி தெரிவித்து பதிவு ஒன்றை வெளியிட்டுள்ளார்.

நடிகர் பார்த்திபன் நடித்து, இயக்கி, தயாரித்த திரைப்படம் ‘ஒத்த செருப்பு சைஸ் 7’. கடந்த 2019ஆம் ஆண்டு வெளியான இப்படம் விமர்சன ரீதியாக நல்ல வரவேற்பைப் பெற்றது. தனி ஒருவனாக அப்படத்தில் நடித்த பார்த்திபனை, ரசிகர்கள் மட்டுமின்றி திரையுலகினர் பலரும் பாராட்டினர்.

இரண்டு தேசிய விருதுகள் வென்ற இப்படம் தற்போது இந்தி, ஆங்கில மொழிகளில் ரீமேக் செய்யப்பட உள்ளதாகப் பார்த்திபன் தெரிவித்திருந்தார்.

மேலும் ‘ஒத்த செருப்பு சைஸ் 7’ படத்தின் இந்தி படத்திற்கு என்ன தலைப்பு வைக்கலாம் என ரசிகர்களிடம் கேள்வி எழுப்பியதற்குப் பலரும் அவர்களுக்குத் தெரிந்த தலைப்பை கூறியதாகவும் பார்த்திபன் தெரிவித்துள்ளார்.

இந்நிலையில் தன் படத்திற்குத் தலைப்பு தெரிவித்த அனைவருக்கு நன்றி தெரிவித்து பார்த்திபன் பதிவு ஒன்றை வெளியிட்டுள்ளார்.

அதில், “புதிதாய் இன்று பிறக்கிறோம் எளிதாய் சிரமம் கடக்கிறோம்.
பெரிதாய் வாழ்வில் சாதிக்கிறோம்.
ஹிந்தி தலைப்பு -அள்ளி வழங்கிய,
எண்ணிலடங்கா -எதிர்பாரா கோணங்களில்.
பலரது பாராட்டுக்குரியது,
சிலது சிறப்பு
அனைத்தும் பரிசீலனையில்.
விரைவில் தேர்வாகும்” என குறிப்பிட்டுள்ளார்.

இதையும் படிங்க:ஒரேநேரத்தில் 5 படங்களில் சிவகார்த்திகேயன்..... சம்பளம் எவ்வளவு தெரியுமா?