முழுக்க முழுக்க ஆக்ஷன் திரைப்படமாக உருவாகியிருக்கும் 'கைதி' வரும் தீபாவளியை முன்னிட்டு வெளியாகிறது. இதையடுத்து படத்தின் ட்ரெய்லர் தற்போது வெளியாகி ரசிகர்களிடம் பாராட்டை பெற்றுவருகிறது.
ட்ரெய்லரில் இடம்பெற்ற ஒவ்வொரு காட்சிகளும் மிக ஆழமாக இருப்பதால் படத்தின் மீதான எதிர்பார்ப்பு எகிறியுள்ளது. இந்த நிலையில், சென்னையில் நடைபெற்ற 'கைதி' படத்தின் பத்திரிகையாளர்கள் சந்திப்பில் படக்குழுவினர் கலந்துகொண்டனர்.
இதில் படத்தின் தயாரிப்பாளர் எஸ்.ஆர். பிரபு பேசுகையில், "இந்தப் படம் 2 மணி 30 நிமிடங்கள் ஓடும். படத்தில் மொத்தம் மூன்று பெண் கதாபாத்திரங்கள் மட்டுமே வரும். படத்தின் 80 விழுக்காடு ஆக்ஷன் காட்சிகளாக இருக்கும்.
குளிர்ச்சியான வெப்பநிலையில் சுமார் இரண்டு மாதம்வரை இரவில் மட்டுமே ஷூட்டிங் நடத்தி 'கைதி' படத்துக்காக உழைத்துள்ளோம். ஹாலிவுட் படமான டைஹார்டு நம் ஊரில் நடப்பது போன்ற கதையம்சத்துடன் 'கைதி' படம் அமைந்துள்ளது. ஒரு இரவில் நடக்கும் ஹாலிவுட் படங்களை போன்று இருக்கும்" என்று கூறினார்.
