தெலுங்கு சினிமாவில் பழம்பெரும் நடிகர்களில் முக்கியமானவர் என்.டி. ராமாராவ். இவர் நடிகராக இருந்து 'தெலுங்கு தேசம்' என்ற கட்சியைத் தொடங்கி அரசியலில் இறங்கினார். மேலும் என்.டி.ஆர் ஆந்திராவில் 1983ஆம் ஆண்டு ஆட்சியை கைப்பற்றியதிலிருந்து தொடர்ந்து மூன்று முறை முதலமைச்சராகப் பதவி வகித்துள்ளார். 1996ஆம் ஆண்டு என்.டி.ஆர் காலமானாலும் தெலுங்கு ரசிகர்களும் ஆந்திரா, தெலங்கானா மக்களும் இப்போது வரை என்.டி.ஆரை கொண்டாடி வருகின்றனர்.
இன்று (மே 28) என்.டி.ராமாராவின் 98ஆவது பிறந்த நாளை முன்னிட்டு தெலுங்கு திரையுலகினரும் ரசிகர்களும் சமூக வலைத்தளத்தில் அவர் நினைவாக கருத்துகளையும் என்.டி.ஆரின் படக்காட்சிகளையும் பதிவிட்டு வருகின்றனர். இந்த நிலையில், தெலுங்கு மெகா ஸ்டார் சிரஞ்சீவி என்.டி. ராமாராவுக்கு 'பாரத ரத்னா' விருது வழங்க வேண்டுமென மத்திய அரசுக்கு கோரிக்கை விடுத்துள்ளார்.