சுகுமார் இயக்கத்தில் அல்லு அர்ஜூன் நடிப்பில் 2004ஆம் ஆண்டு வெளியான படம் 'ஆர்யா'. இதில் அல்லு அர்ஜுனுடன் அனு மேத்தா, சிவா பாலாஜி உள்ளிட்டோர் முக்கிய கதாபாத்திரத்தில் நடித்திருந்தனர்.
காதல், குடும்ப சென்டிமேன்ட் ஜனாரில் வெளியான 'ஆர்யா' தெலுங்கில் சூப்பர் டூப்பர் ஹிட் அடித்தது. இப்படத்தின் வெற்றியை தொடர்ந்து, சுகுமார் - அல்லு அர்ஜுன் கூட்டணியில் 'ஆர்யா 2' திரைப்படம் 2009ஆம் ஆண்டு வெளியானது.
ஆர்யா 2 படத்தில் அல்லு அர்ஜுனுடன் சாரதா தாஸ், காஜல் அகர்வால், நவதீப் உள்ளிட்டோர் நடித்திருந்தனர். இப்படத்தின் பாடலான 'ரிங்க...ரிங்கா' பாடல் மொழி தாண்டி பட்டிதொட்டியெங்கும் ஹிட் அடித்தது.
இதனையடுத்து நீண்ட இடைவேளைக்கு பின் சுகுமாரும் அல்லு அர்ஜுனும் 'புஷ்பா' படத்தில் இணைந்துள்ளனர். இரண்டு பாகங்களாக உருவாகும் இப்படத்தின் முதல் பாகம் டிசம்பர் 17ஆம் தேதி வெளியாகிறது.
இந்நிலையில், புஷ்பா படத்திற்கு பின் 'ஆர்யா 3' படத்தை சுகுமார் இயக்க இருப்பதாகவும், இதில் அல்லு அர்ஜுனுக்கு பதில் விஜய் தேவரகொண்டா நடிக்க இருப்பதாகவும் தகவல் வெளியாகியுள்ளது.
சுகுமார் ஏற்கனவே விஜய் தேவரகொண்டாவை வைத்து புதியப் படம் இயக்கவுள்ளார். பால்கன் கிரியேஷன்ஸ் தயாரிக்கும் இப்படத்தில் இருவரும் பணியாற்ற ஒப்பந்தம் செய்யப்பட்டுள்ளது குறிப்பிடத்தக்கது.
இதையும் படிங்க: சினிமாவில் அடியெடுத்து வைத்த அல்லு அர்ஜூன் மகள்
