கோலிவுட்டிற்கு அடுத்த த்ரில்லர் படம் ரெடி!

அறிமுக இயக்குனர் கிரிதரன் இயக்கத்தில் புதிதாக உருவாகவிருக்கும் த்ரில்லர் படத்திற்கு இன்று பூஜை போடப்பட்டது.

அறிமுக இயக்குனர் கிரிதரன் இயக்கத்தில், எஸ்.எஸ்.பிரபு, சங்கர் பிக்சர்ஸ் தயாரிப்பில் உருவாகவிருக்கும் புதிய படத்தின் பூஜை இன்று (டிச.4) போடப்பட்டது.

இப்படத்தில் சாய் தன்ஷிகா, சிருஷ்டி டாங்கே, மனிஷா ஜஸ்னானி, சந்திரலேகா ஆகிய நான்கு கதாநாயகிகள் நடிக்கிறார்கள். வித்தியாசமான தோற்றத்தில் ஜான் விஜய் நடிக்கிறார்.

சாய் தன்ஷிகா, சிருஷ்டி டாங்கே, மனிஷா ஜஸ்னானி, சந்திரலேகா

கார்த்திக் ராஜா இசையமைக்கும் இப்படத்திற்கு அசோக் குமார் ஒளிப்பதிவு செய்கிறார். ஆர்.ராமர் படத்தொகுப்பையும், எஸ்.ஜே.ராம் கலை இயக்குனராகவும் பணியாற்றுகிறார்கள்.

கோலிவுட்டிற்கு அடுத்த த்ரில்லர் படம்

இன்று நடைபெற்ற இப்படத்தின் பூஜையில், மாநாடு படத் தயாரிப்பாளர் சுரேஷ் காமாட்சி சிறப்பு விருந்தினராக கலந்து கொண்டு படக்குழுவினரை வாழ்த்தினார்.

திரில்லர் கதையம்சம் கொண்ட இப்படத்தின் படப்பிடிப்பு விரைவில் தொடங்கப்பட உள்ளது.

இதையும் படிங்க:RRR Movie: ட்ரெய்லர் எப்போனு தெரியுமா..?