தென்னிந்திய முன்னணி நடிகைகளில் ஒருவரான நயன்தாரா இன்று (நவ.18) தனது 37ஆவது பிறந்தநாளைக் கொண்டாடி வருகிறார். அவருக்கு பிரபலங்களும் ரசிகர்களும் சமூக வலைதளங்கள் வாயிலாக வாழ்த்து தெரிவித்து வருகின்றனர்.
அதுமட்டுமல்லாது நயன்தாரா நடித்து வரும் படங்களின் படக்குழுவினரும் அவருக்கு வாழ்த்துகள் தெரிவிக்கும் விதமாக அவரது கதாபாத்திரம் தொடர்பான போஸ்டர்களை வெளிட்டு வருகின்றனர்.
அந்த வகையில், நயனின் புதிய படமான ’கனெக்ட்’ குறித்த அறிவிப்பு இன்று வெளியாகியுள்ளது. 'நெற்றிக்கண்' படத்தைத் தொடர்ந்து ரவுடி பிக்சர்ஸ் நிறுவனம் தயாரிக்கும் புதிய திகில் படமான கனெக்டில் நடிக்க நயன்தாரா ஒப்பந்தம் செய்யப்பட்டுள்ளார்.