மிலிந்த் ராவ் இயக்கத்தில் நயன்தாரா தற்போது 'நெற்றிக்கண்' என்ற படத்தில் நடித்து வருகிறார். இதனையடுத்து ஆர்ஜே பாலாஜியுடன் 'மூக்குத்தி அம்மன்' என்னும் படத்தில் முக்கிய கதாபாத்திரத்தில் நடிக்க உள்ளார். 'எல்கேஜி', 'கோமாளி', மற்றும் 'பப்பி' ஆகிய ஹாட்ரிக் வெற்றியைத் தொடர்ந்து வேல்ஸ் ஃபிலிம் இன்டர்நேஷனல் நிறுவனம் இந்த படத்தை தயாரிக்கிறது. ஆர்ஜே பாலாஜி, 'மூக்குத்தி அம்மன்' படத்தில் நடிகராக மட்டுமல்லாது கதை எழுதி இயக்குநராகவும் அறிமுகமாகிறார்.
குமரி பகவதி அம்மன் ஆசியுடன் தொடங்கிய நயன்தாராவின் 'மூக்குத்தி அம்மன்' - mookuthi amman shooting strated kanyakumari
ஆர்.ஜே பாலாஜி இயக்கி நடிக்கும் புதிய படமான 'மூக்குத்தி அம்மன்' படத்தின் பூஜை இன்று கன்னியாகுமரி பகவதி அம்மன் கோயிலில் நடைபெற்றது.
RJ balaji
இதனையடுத்து 'மூக்குத்தி அம்மன்' படத்தின் பூஜை கன்னியாகுமரியில் உள்ள பகபதி அம்மன் கோயிலில் நடைபெற்றது. படப்பிடிப்பு நாகர்கோவிலில் நடைபெற உள்ளது.
தானா சேர்ந்த கூட்டம் படத்தின் ஒளிப்பதிவாளர் தினேஷ் கிருஷ்ணன் ஒளிப்பதிவு செய்யும் இந்த படத்திற்கு கிரிஷ் கோபால கிருஷ்ணன் இசையமைக்கிறார். இப்படத்தை ஆர்.ஜே பாலாஜியுடன் என். ஜே சரவணனும் இணைந்து இயக்குகிறார்.