தேசிய விருதுபெற்ற ‘லையர்ஸ் டைஸ்’ படத்தை இயக்கிய கீது மோகன்தாஸின் அடுத்த படைப்பு ‘மூத்தோன்’. இதில் நிவின் பாலி, சசங் அரோரா, சோபிதா துலிபலா, மெலிசா ராஜு தாமஸ் ஆகியோர் முன்னணி கதாபாத்திரங்களில் நடித்துள்ளனர். இந்தத் திரைப்படம் நவம்பர் 8ஆம் தேதி வெளியானது. லட்சத்தீவிலிருந்து தனது அண்ணனை தேடி மும்பை வரும் தம்பியின் கதையே மூத்தோன்.
படம் வெளியாகும் முன்பே டொரன்டோ சர்வதேச திரைப்பட விழாவில் ‘மூத்தோன்’ படம் திரையிடப்பட்டது. இப்படம் மலையாளம், இந்தி ஆகிய இரண்டு மொழிகளில் வெளியாகவுள்ளது. இந்தியில் அனுராக் கஷ்யப் இதற்கு வசனம் எழுதியுள்ளார்.