'இந்திய சினிமாவின் அடையாளம் ரஜினி' - மோகன்லால்

நடிகர் ரஜினிகாந்த்தின் 45 ஆண்டுகால திரைப்பயணம் நிறைவடைந்ததற்கு நடிகர் மோகன்லால் வாழ்த்து தெரிவித்துள்ளார்.

தமிழ் சினிமாவில் 1975ஆம் ஆண்டு ஆகஸ்ட் மாதம் 18ஆம் தேதி வெளியான ‘அபூர்வ ராகங்கள்’ திரைப்படத்தின் மூலம் சூப்பர் ஸ்டார் ரஜினிகாந்த் திரையுலகிற்கு அறிமுகமானார்.

அந்த வகையில் வரும் 18ஆம் தேதியுடன் ரஜினி திரைத்துறைக்கு வருகைபுரிந்து 45 ஆண்டுகள் நிறைவடைகின்றன. இதனைக் கொண்டாடும் வகையில் சமூக வலைத்தளத்தில் #45YearsOfRajinism என்கிற ஹேஷ்டேக்கில் காமன் டிபி உருவாக்கப்பட்டு ரசிகர்கள் கொண்டாடி வருகின்றனர்.

#44 years of rajinism poster

இதனையடுத்து காமன் டிபியை வெளியிட்ட மோகன்லால் தனது ட்விட்டர் பக்கத்தில், “5 தசாப்தங்கள்! 45 வருடங்கள்! இந்திய சினிமாவின் ஒரு அடையாளம். நமது அன்பார்ந்த சூப்பர் ஸ்டார் ரஜினிகாந்தின் 45 வருட திரைவாழ்க்கையில் முன்னிட்டு காமென் டிபி வெளியிடுவதில் மகிழ்ச்சி. ரஜினிகாந்த் இந்திய சினிமாவுக்கு அளித்துள்ள பங்கு மிகப் பெரியது. வாழ்த்துக்கள் சார்” என்று பதிவிட்டுள்ளார்.