கமர்ஷியல் கிங் இயக்குநர் பூரி ஜெகன்நாத் இயக்கும் லைகர் (LIGER) திரைப்படத்தில், இளம் நாயகன் விஜய் தேவரகொண்டா நடித்துவருகிறார். இவருடன் அனன்யா பாண்டே, சார்மி உள்ளிட்டோர் நடிக்கின்றனர். மேலும் இவர்களுடன் ரம்யா கிருஷ்ணன், ரோனித் ராய் உள்ளிட்டோரும் நடிக்கின்றனர்.
லைகர் படத்தை பாலிவுட்டின் பிரபல இயக்குநர் கரண் ஜோஹரின் தர்மா புரொடக்ஷன் தயாரித்து வருகிறது. இவருடன் பூரி ஜெகன்நாத், சார்மி கவுர், அபூர்வா மேத்தா ஆகியோரும் இணைந்து தயாரிக்கின்றனர்.
தற்போது லைகர் படத்தில் பிரபல பாக்சிங் வீரரான மைக் டைசன் முக்கிய கதாபாத்திரத்தில் நடிக்கிறார். இதுகுறித்த அறிவிப்பை படக்குழு அதிகாரப்பூர்வமாக அறிவித்துள்ளது.