பிரபல இயக்குநர் ராம்கோபால் வர்மா இயக்கத்தில் வெளிநாட்டு நடிகை மியா மல்கோவா நடிப்பில் உருவாகிவரும் திரைப்படம் க்ளைமேக்ஸ். இப்படத்தின் டீசர் சமீபத்தில் வெளியானது.
டீசரில், வழக்கம்போல் ராம்கோபால் வர்மாவின் தனித்துவ காட்சியமைப்பு, மியாவின் நீச்சல் உடை காட்சிகள் உள்ளிட்டவை இடம் பெற்றிருந்தன. இந்நிலையில் தற்போது படத்தின் ட்ரெய்லர் வெளியாகியுள்ளது. ராம்கோபால் வர்மா தனது சமூக வலைதளத்தில் வெளியிட்ட இந்த ட்ரெய்லரில் காட்சியமைப்பு இரண்டு நிமிடத்திற்கு மேல் உள்ளது.
பாலைவனத்தில் சிக்கிக் கொண்ட மியா, அங்கு சந்திக்கும் பிரச்னைகளைத் திகிலாகவும் ஹாட்டாகவும் அமைத்துள்ளனர் படக்குழுவினர். மியாவின் கவர்ச்சி காட்சிகள் மட்டுமல்லாது பாலைவன சேஸிங் காட்சிகளும் அமைந்துள்ளன.
அதிலும் சூரிய உதய காட்சி ராம்கோபால் வர்மாவுக்கே உரிய ஸ்பெஷல் ஷாட் எனச் சொல்லலாம். இப்படம் மே 29ஆம் தேதி OTT தளத்தில் வெளியாகும் என ராம் கோபால் வர்மா தெரிவித்துள்ளார். இந்த ட்ரெய்லரை பார்த்த நெட்டிசன்கள் படத்தின் வெளியீட்டுக்கு காத்திருப்பதாக கமெண்ட் செய்துவருகின்றனர்.