எம்ஜிஆரின் அரசியல் வாழ்வில் பெரும் திருப்பம் ஏற்பட்ட போது வெளியான படம், உலகம் சுற்றும் வாலிபன். திமுகவில் இருந்து நீக்கப்பட்டு அதிமுக தொடங்கப்பட்ட பின், அக்கட்சி கொடியுடன் படம் வெளியானது. படத்தில் எம்ஜிஆருக்கு முருகன், ராஜூ என இரண்டு கதாபாத்திரங்கள். “மின்னலைப் பிடித்து ஆக்கப்பூர்வ பணிக்கு பயன்படுத்த நினைப்பார்” விஞ்ஞானியான முருகன்.
அத்திட்டத்தின், 'பார்முலா'வை அபகரிக்க வில்லன் கூட்டம் முயற்சி செய்யும். எதிரிகளின் சதித்திட்டத்தை விஞ்ஞானியின் தம்பியும், புலனாய்வுத் துறை அதிகாரியுமான ராஜூ எப்படி முறியடிக்கிறார் என்பது தான் கதை. முருகன், ராஜூ என இரண்டு கதாபாத்திரங்களையும் கனக்கச்சிதமாக ஏற்று நடித்திருப்பார் எம்ஜிஆர். லதா, மஞ்சுளா, சந்திரகலா என மூன்று கதாநாயகியர் நடித்திருப்பார்கள்.