தமிழ்த் திரையுலகில் வில்லன் மற்றும் குணச்சித்திர கதாபாத்திரங்களில் நடித்துப்புகழ் பெற்றவர் நடிகர் பொன்னம்பலம். கமல், ரஜினி, விஜயகாந்த் ஆகியோர் படங்களில் வில்லனாக நடித்ததன் மூலம் ரசிகர்கள் மனதில் இடம்பிடித்தார். மேலும் இவர் 'பிக்பாஸ் 2' சீசனிலும் கலந்துகொண்டார்.
கடந்தாண்டு ஜூலை மாதம் பொன்னம்பலம் சிறுநீரகக் கோளாறு காரணமாக, மருத்துவமனையில் அனுமதிக்கப்பட்டு சிகிச்சைப்பெற்று வந்தார். அப்போது கடும் நிதி நெருக்கடியில் சிக்கித் தவித்த பொன்னம்பலத்தின் மருத்துவச் செலவையும்; அவரது குழந்தைகளின் படிப்பு செலவையும் நடிகர் கமல் ஹாசன் ஏற்றுக்கொண்டார். இந்நிலையில், பொன்னம்பலத்துக்கு சிறுநீரகம் அதிகம் பாதிப்படைந்ததால் அறுவை சிகிச்சை நடைபெற்றுள்ளது. இதற்கான செலவுக்கு தெலுங்கு மெகா ஸ்டாரும் நடிகருமான சிரஞ்சீவி உதவியுள்ளார்.