விஜய்யின் 'மாஸ்டர்' படத்தை எக்ஸ்பி ஃபிலிம்ஸ் கிரியேட்டர்ஸ் சார்பில் சேவியர் பிரிட்டோ தயாரித்தார். மாஸ்டர் இவர் தயாரிப்பில் வெளியான முதல் திரைப்படமாகும். இந்தப்படத்தைத் தொடர்ந்து தற்போது இரண்டாவது படத்தை தயாரிக்கும் பணியில் எக்ஸிபி ஃபிலிம் கிரியேட்டர்ஸ் இறங்கியுள்ளது.
இது குறித்து அவர்கள் வெளியிட்டுள்ள அறிக்கையில், "மாஸ்டர் திரைப்படத்தின் வெற்றியை தொடர்ந்து XB ஃபிலிம் கிரியேட்டர்ஸ் தயாரிப்பு நிறுவனம் தயாரிக்கும் இரண்டாவது படம் இது. பன்முகத் திறமை வாய்ந்த இயக்குநர் விஷ்ணு வரதனுடன் இணைவதில் நாங்கள் மகிழ்ச்சியடைகிறோம். நடிகர் முரளியின் மகனும் அதர்வா முரளியின் இளைய சகோதரருமான ஆகாஷ் முரளி கதாநாயகனாக இப்படத்தில் அறிமுகம் ஆகிறார்.