’மங்காத்தா’ தல அஜித் செயினுக்கு பின்னால் இருக்கும் குட்டிக்கதை

மங்காத்தா படத்தில் இறுதிக்காட்சியில் திருப்புமுனையை ஏற்படுத்தும் விதமாக தல அஜித் கழுத்தில் தொங்கும் செயின், முதல் நாள் படப்பிடிப்பில் முதல் ஷாட் எடுப்பதற்கு முன்புதான் இறுதிசெய்யப்பட்டது எனவும், அந்த செயினை தேர்வு செய்ததன் பின்னணி கதையையும் தெரிவித்துள்ளார் காஸ்ட்யூம் டிசைனர் வாசுகி பாஸ்கர்.

சென்னை: மங்காத்தா படத்தில் அஜித் கழுத்தில் போடப்பட்டிருக்கும் செயினின் பின்னணி கதையை விவரித்துள்ளார் அந்தப் படத்தின் காஸ்ட்யூம் டிசைனர் வாசுகி பாஸ்கர்.

இதுகுறித்து அவர் தனது ட்விட்டர் பக்கத்தில்,”ஹீரோவின் கழுத்தில் செயின் இருக்க வேண்டும் என இயக்குநர் விரும்பினார். படத்தின் இறுதிக்காட்சியில் செயின் முக்கிய பங்கு வகிப்பதுடன், அதனை கழற்றி நெருப்பில் எறிவது போன்று காட்சியும் இருந்தது.

அப்போது ஹீரோ போலீஸாக இருப்பதால் கை விலங்கு போன்று செயின் இருந்தால் நன்றாக இருக்கும் என யோசித்தோம். அந்த வகையில் முதல் நாள் படப்பிடிப்பில் முதல் ஷாட் எடுப்பதற்கு முன்பு ஹீரோ கழுத்தில் தொங்கும் செயினை முடிவு செய்தோம் என்று குறிப்பிட்டுள்ளார்.

இந்தப் படத்தின் இயக்குநரும், வாசுகி பாஸ்கரின் சகோதரருமான வெங்கட் பிரபு படப்பிடிப்பின்போது அஜித் சமைத்து கொடுத்த பிரியாணி பற்றி ஏற்கனவே பதிவிட்ட பதிவை பகிர்ந்து நினைவுகூர்ந்திருந்தார்.

இதைத்தொடர்ந்து படத்தின் காஸ்ட்யூம் டிசைனரான வாசுகி பாஸ்கர் தற்போது படத்தின் திருப்புமுனையாக அமைந்திருக்கும் தல அஜித் அணிந்த செயினின் பின்னணியில் இருக்கும் கதையை விவரித்துள்ளார்.

இதையும் படிங்க: 'மை டியர் தல'-யை வைத்து வெங்கட் பிரபு ஆடிய ஆட்டம் 'மங்காத்தா'