செக் குடியரசில் நவே மஸ்டோ நகரில் நடைபெற்ற சர்வதேச தடகளப் போட்டியில் இந்திய வீராங்கனை ஹிமா தாஸ் 200 மீட்டர் ஓட்டப்பந்தய பிரிவில் 23.25 வினாடிகளில் கடந்து தங்கப் பதக்கத்தை கைப்பற்றினார். 19 வயதே ஆன 'திங் எக்ஸ்பிரஸ்' என அழைக்கப்படும் இந்திய வீராங்கனை ஹிமா தாஸ் கடந்த 15 நாட்களில் ஐந்து தங்கப்பதக்கங்களை வென்று அசத்தியுள்ளார். அசாம் மாநிலத்தை சேர்ந்த இவர், பெண்கள் பிரிவு தடகள போட்டியில் இந்தியாவின் நட்சத்திர வீராங்கனையாக திகழ்கிறார்.
ஜூலை 7ஆம் தேதி போலாந்தின் குட்னோ தடகள போட்டியில் 200 மீட்டர் பந்தயத்திலும் தங்கம் வென்றார் ஹிமா. கிளாட்னோவில் நடந்த தடகள போட்டியிலும் 200 மீட்டர் ஓட்ட பந்தயத்தில் தங்கம் வென்றிருந்தார். கடந்த 17ஆம் தேதி அன்று செக் குடியரசில் தபோர் அத்லெட்டிக் மீட்டில் 200 மீட்டர் ஓட்ட பந்தயத்தில் தனது நான்காவது தங்கப் பதக்கத்தை வென்றார் ஹிமா தாஸ்.