அட்லி இயக்கத்தில் விஜய் நடிப்பில் தீபாவளிக்கு வெளியான படம் 'பிகில்'. விஜய் தந்தை-மகனாக இரட்டை வேடங்களில் நடித்த இப்படம் ரசிகர்களிடையே கலவையான விமர்சனங்களைப் பெற்றுவருகிறது.
இதைத் தொடர்ந்து விஜய் 'கைதி' பட இயக்குநர் லோகேஷ் கனகராஜ் இயக்கத்தில் நடிக்கிறார். இந்தப் படத்தை சேவியர் பிரிட்டோ தயாரிக்கிறார்.
இன்னும் பெயர் சூட்டப்படாத இப்படத்திற்கு தற்காலிகமாக தளபதி 64 என பெயர் வைத்துள்ளனர். இதில் மாளவிகா மோகன், விஜய்சேதுபதி, சாந்தனு பாக்யராஜ், ஆண்டனி வர்கீஸ் உள்ளிட்டவர்கள் முக்கிய கதாபாத்திரங்களில் நடிக்கின்றனர்.
சமீபத்தில் முதற்கட்ட படப்பிடிப்பு சென்னையில் நடந்து முடிந்தது. அதில் விஜய் கலந்துகொண்டார். இதனையடுத்து இரண்டாம் கட்ட படப்பிடிப்பு டெல்லியில் நடைபெற்று வருகிறது. இதிலும் விஜய் கலந்துகொண்டு நடித்து வருகிறார்.
தற்போது, மாளவிகா மோகனும் தளபதி 64 படப்பிடிப்பில் கலந்துகொண்டுள்ளார். இந்த செய்தி அவர் தனது ட்விட்டர் பக்கத்தில் தெரிவித்துள்ளார். மாளவிகா சூப்பர் ஸ்டார் நடிப்பில் வெளியான ‘பேட்ட’ படத்தின் மூலம் தமிழ் சினிமாவில் அறிமுகமாகி ரசிகர்களிடையே பெரும் வரவேற்பைப் பெற்றிருந்தார். இப்படத்தை அடுத்தாண்டு ஏப்ரல் 9ஆம் தேதி வெளியிட படக்குழு முடிவு செய்துள்ளது.
