‘மௌனகுரு’ படத்தின் மூலம் தமிழ் சினிமாவில் இயக்குநராக அறிமுகமானவர் சாந்தகுமார். இதனையடுத்து எட்டு ஆண்டுகளுக்குப் பிறகு இவர் இயக்கத்தில் வெளியான ‘மகாமுனி’ படத்தில் நடிகர் ஆர்யா இரட்டை வேடங்களில் நடித்து அசத்தியிருந்தார். ஸ்டூடியோ க்ரீன் தயாரித்திருந்த இப்படம் வசூல் ரீதியாக வரவேற்பைப் பெறவில்லை என்றாலும், விமர்சன ரீதியாக மாபெரும் வரவேற்பைப் பெற்றது.
இந்நிலையில் ‘மகாமுனி’ திரைப்படம் பல்வேறு சர்வதேச விருதுகளை வென்றுள்ளதாக அப்படத்தின் இயக்குநர் தனது ட்விட்டர் பக்கத்தில் தெரிவித்துள்ளார்.