ஏ.ஆர். முருகதாஸ் இயக்கத்தில் ரஜினிகாந்த் நடிப்பில் உருவாகிவரும் திரைப்படம் 'தர்பார்'. 'சர்கார்' படத்திற்கு பிறகு முருகதாஸ் ரஜினியை வைத்து இயக்கும் படத்தில் காவல் துறை அலுவலராக நடித்துவருகிறார். இப்படத்தை லைகா நிறுவனம் தயாரித்துவருகிறது.
இதில் நயன்தாரா, யோகிபாபு உள்ளிட்டோர் முக்கிய கதாபாத்திரத்தில் நடித்துள்ளனர். ’தர்பார்’ படப்பிடிப்பு தளத்தில் எடுக்கப்பட்ட புகைப்படங்கள் சமூக வலைதளங்களில் அவ்வப்போது ட்ரெண்டாகிவந்தன.
தற்போது ஓணப்பண்டிகையை முன்னிட்டு லைகா நிறுவனம் தனது ட்விட்டர் பக்கத்தில் ஓண வாழ்த்துகளை தெரிவித்து தர்பார் படத்தின் செகண்ட் லுக் போஸ்டரை இன்று மாலை 6 மணிக்கு வெளியிட இருப்பதாக அறிவித்துள்ளது.
ஏற்கனவே ஃபர்ஸ்ட் லுக்கும், ரஜினியின் வித்தியாசமான தோற்றமும் இணையத்தை கலக்கிவந்த நிலையில் செகண்ட் லுக் போஸ்டர் வரவை எதிர்பார்த்து ரசிகர்கள் உற்சாகத்துடன் காத்திருக்கின்றனர். இப்படம் 2020 பொங்கலுக்கு வெளியிட உள்ளதாக படக்குழு ஏற்கனவே அறிவித்திருந்தது.