லூசிபர் தெலுங்கு ரீமேக் படப்பிடிப்பு தொடக்கம்!

நடிகர் சிரஞ்சீவி நடிக்கும் 'லூசிபர்' படத்தின் தெலுங்கு ரீமேக் படப்பிடிப்பு இன்று (ஆக.13) தொடங்கியுள்ளது.

மலையாள சூப்பர் ஸ்டார் மோகன்லாலை வைத்துநடிகர் பிரித்விராஜ்முதன் முதலாக இயக்கியப்படம்'லூசிபர்'

2019ஆம் ஆண்டு வெளியான இப்படத்தில் மஞ்சு வாரியார், டொவினோ தாமஸ், இந்திரஜித், விவேக் ஓபராய் உள்ளிட்ட பெரும் நட்சத்திரப் பட்டாளமே நடித்திருந்தது. ’பொலிட்டிக்கல் த்ரில்லர்’ படமாக உருவான இப்படம், மிகக் குறுகிய நாள்களுக்குள் 100 கோடி வசூலித்து அந்த ஆண்டு பாக்ஸ் ஆபிஸ் சாதனை படைத்தது.

மேலும், மலையாள சினிமா தாண்டி இப்படத்திற்கு கிடைத்த பெரும் வரவேற்பு காரணமாக பிற மொழிகளிலும் படத்தின் ரீமேக் உரிமைகள் வாங்கப்பட்டு இயக்கப்பட்டு வருகிறது.

அந்த வகையில், மோகன் ராஜா இப்படத்தின் தெலுங்கு உரிமையைக் கைப்பற்றியுள்ளார். மோகன் லால் கதாபாத்திரத்தில் சிரஞ்சீவி நடிப்பதாக முன்னதாக அறிவிக்கப்பட்ட நிலையில், இப்படத்தின் படப்பிடிப்பு ஹைதராபாத்தில் தற்போது தொடங்கியுள்ளதாக இயக்குநர் மோகன் ராஜா தன் ட்விட்டர் பக்கத்தில் அறிவித்துள்ளார்.

அரசியல்வாதி ஒருவரின் மறைவுக்குப் பிறகு அவரது வளர்ப்பு மகனுக்கும், மருமகனுக்கும் இடையே நடைபெறும் மோதல் குறித்த கதைக்களத்தை இப்படம் கொண்டுள்ளது.

இதையும் படிங்க:'ப்ளாக் பஸ்டர் மலையாள ரீமேக்கில் கம்பேக் கொடுக்கும் ஜெனிலியா?'