நடிகர் கவின், அமிர்தா நடிப்பில் சமீபத்தில் வெளியான படம், 'லிப்ட்'. அறிமுக இயக்குநர் வினீத் இயக்கிய இந்தப் படம் ஹாட் ஸ்டார் ஓடிடி தளத்தில் வெளியானது.
சென்னையில் ஒரே அலுவலகத்தில் பணியாற்றும் கதாநாயகனும், கதாநாயகியும் எதிர்பாராத விதமாக இரவு அலுவலக கட்டடத்தில் சிக்கி கொள்கின்றனர். அமானுஷ்யமான அந்த கட்டத்திலிருந்து அவர்கள் இருவரும் எப்படித் தப்பித்துச் செல்கின்றனர் என்பதைத் திகில் கலந்த பாணியில் காண்பித்துள்ளார் படத்தின் இயக்குநர். நீண்ட இடைவெளிக்குப் பிறகு ஒரு நல்ல திகில் படம் பார்த்ததுபோல் இருந்ததாக ரசிகர்கள் தெரிவித்துள்ளனர்.