தமிழில் 'நேற்று இன்று நாளை' படம் மூலம் இயக்குநராக அறிமுகமானவர் லக்ஷ்மிகாந்த் சென்னா. ரவி கிருஷ்ணா, தமன்னா நடித்துள்ள இப்படம் கலவையான விமர்சனங்களைப் பெற்றது. இதையடுத்து இவர் ஒரு சில தெலுங்கு படங்களை இயக்கியுள்ளார்.
இவர் தற்போது, 'கமிட்மென்ட்' என்ற ஆந்தாலஜி படத்தை இயக்கியுள்ளார். நான்கு கதைகளை உள்ளடக்கிய இப்படத்தில் நான்கு கதாநாயகிகள் நடித்துள்ளனர்.
சினிமாவிற்குள் புதிதாக நுழையும் பெண்கள் சந்திக்கும் விளைவுகளைப் பற்றி வெளிப்படையாகக் கூறும்வகையில் இப்படம் உருவாகியுள்ளதாகக் கூறப்படுகிறது. இந்நிலையில் கமிட்மென்ட் படத்தின் பர்ஸ்ட் லுக் போஸ்டர் இன்று வெளியாகும் என்று அறிவிக்கப்பட்டிருந்தது.
அறிவித்தபடி படத்தின் பர்ஸ்ட் லுக் போஸ்டரை படக்குழு வெளியிட்டுள்ளது. அதில், நான்கு பெண்கள் வெவ்வெறு தோற்றத்தில் அமர்ந்துள்ளனர். மேலும் இப்படம் அடுத்த மாதம் வெளியாகவுள்ளதாக அப்போஸ்டரில் குறிப்பிடப்பட்டுள்ளது. விரைவில் படத்தின் கூடுதல் அப்டேட் வெளியாகும் என்று எதிர்பார்க்கப்படுகிறது.
இதையும் படிங்க:நடன சேலன்ஞ் அறிவித்த டிஸ்கவரி தொலைக்காட்சி