'சித்திரம் பேசுதடி', 'அஞ்சாதே' ஆகிய படங்களில் நடித்ததன் மூலம் பிரபலமானவர் நரேன். இவர் தற்போது மலையாள இயக்குநர் சுகீத் இயக்கத்தில் ‘குரல்’ படத்தில் நடித்துள்ளார்.
மலையாளத்தில் பல ஹிட் கொடுத்த இயக்குநர் சுகீத் இப்படம் மூலம் தமிழில் இயக்குநராக அறிமுகமாகிறார். நாயகியாக ஷ்ர்தா சிவதாஸ் நடிக்க பால சரவணன், காளி வெங்கட், கனிகா உள்ளிட்டோர் நடித்துள்ளனர். த்ரில்லர் பாணியில் உருவாகியுள்ள இந்தப் படத்தின் போஸ்ட் புரொடக்ஷன் பணிகள் நடைபெற்று வருகிறது.