ராயல் எண்டர்பிரைசஸ் சார்பில் 'பறம்பு' குமாரதாஸ் தயாரிக்கும் திரைப்படம் 'கும்பாரி'. இத்திரைப்படம் தமிழ், மலையாளம் என இரு மொழிகளில் உருவாகிறது.
யோகிபாபு நடிப்பில் 'எங்கடா இருந்தீங்க இவ்வளவு நாளா' என்னும் திரைப்படத்தை இயக்கிய கெவின் இரண்டாவதாக இந்தப் படத்தை இயக்குகிறார். இப்படத்தின் படப்பிடிப்பு கடந்த 30 நாள்களாக நடைபெற்றுமுடிந்தது. இதனை கும்பாரி படக்குழுவினர் கேக் வெட்டி கொண்டாடினர்.
நாயகனாக அபி சரவணன், நாயகியாக மஹானா ஆகியோர் நடிக்கும் இப்படத்தில் ஜான் விஜய், பருத்திவீரன் சரவணன், மதுமிதா, சாம்ஸ் & காதல் சுகுமார் ஆகியோர் முக்கிய வேடத்தில் நடிக்கிறார்கள்.
படம் பற்றி இயக்குநர் கெவின் கூறுகையில், "இந்தப் படம் காதல், காமெடி கலந்த ஆக்ஷன் படமாக உருவாகியுள்ளது. நாயகனின் காதலைச் சேர்த்துவைத்த பால்ய மீனவ நண்பன் திடீரென காணாமல்போகிறான். காணாமல்போன நண்பனை நாயகன் காப்பாற்றினாரா இல்லையா என்பதுதான் இப்படத்தின் கதை.
இப்படத்தின் படப்பிடிப்பு கன்னியாகுமாரி, நாகர்கோவில், பூவாறு, முட்டம், பறம்பு, கேரளாவின் அடர்ந்த காட்டுப்பகுதி ஆகிய இடங்களில் 30 நாள்களாக ஒரே கட்டமாக நடைபெற்று முடித்துள்ளோம்.
பிரசாத் இப்படத்திற்கு ஒளிப்பதிவு செய்துள்ளார். ஜெயப்ரகாஷ் & ஜெய்தன் ஆகியோர் இசையமைக்கிறார்கள். ஜெய் படத் தொகுப்பு செய்ய, ராஜு முருகன் நடனம் அமைத்துள்ளார். மைக்கல் சண்டைக்காட்சிகளை அமைக்க, கிருஷ்ணமூர்த்தி டிஐ செய்கிறார்" என்றார்.
