லோக்கல் சேனலுக்கு எச்சரிக்கை விடுத்த கே.ஜி.எஃப் தயாரிப்பாளர்!

'கே.ஜி.எஃப்' படத்தை அனுமதியின்றி ஒளிபரப்பிய தனியார் சேனலுக்கு அப்படத்தின் தயாரிப்பாளர் எச்சரிக்கை விடுத்துள்ளார்.

நடிகர் யாஷ் நடிப்பில் கடந்த 2018ஆம் ஆண்டு வெளியான திரைப்படம் 'கே.ஜி.எஃப்'. தமிழ், தெலுங்கு, கன்னடம், இந்தி என்று நான்கு மொழிகளில் வெளியான இப்படம் மாபெரும் வரவேற்பைப் பெற்றது. அதிலும் குறிப்பாக, 'ராக்கி பாய்' என்ற பெயரில் தமிழ்நாடு இளைஞர்கள் மனதில் யாஷ் இடம்பிடித்துவிட்டார்.

இந்நிலையில் தனியார் சேனல் ஒன்று 'கே.ஜி.எஃப்' படத்தை அனுமதியின்றித் தொடர்ந்து ஒளிபரப்பி வந்துள்ளது. இதுகுறித்து 'கே.ஜி.எஃப்' படத் தயாரிப்பாளர்களுள் ஒருவரான கார்த்திக் கவுடா, தனது ட்விட்டர் பக்கத்தில் பதிவு ஒன்றை வெளியிட்டுள்ளார்.

அதில், 'பிரபல லோக்கல் தெலுங்கு சேனலில், 'கே.ஜி.எஃப்' படம் சட்டவிரோதமாக ஒளிபரப்பப்பட்டு வருகிறது. இதுகுறித்து சட்ட ரீதியான, நடவடிக்கையை எதிர்கொண்டு, அவர்கள் மீது வழக்குத் தொடுக்கவுள்ளோம். சாட்டிலைட் உரிமைகள் கிட்டத்தட்ட முடிவாகும் தருணத்தில், கேபிள் சேனல் இப்படிச் செய்திருக்கிறது. எங்களிடம் இதற்கான ஆதாரங்கள் உள்ளன' என்று அதில் குறிப்பிட்டுள்ளார்.

இதையும் படிங்க:அம்மாவிடம் நன்றியும் மன்னிப்பும் கேட்ட அமலா பால்