அறிமுக இயக்குநர் ஈஸ்வர் கார்த்திக் இயக்கத்தில் உருவாகியுள்ள திரைப்படம் 'பெண் குயின்'. கீர்த்தி சுரேஷ், லிங்கா, நித்யா கிருபா, மாதம்பட்டி ரங்கராஜ், உள்ளிட்ட பலர் நடித்துள்ள இப்படத்தை கார்த்திக் சுப்புராஜ் தயாரித்துள்ளார்.
இப்படத்திற்கு இசையமைப்பாளர் சந்தோஷ் நாராயணன் இசையமைத்துள்ளார். இத்திரைப்படம் வருகிற 19ஆம் தேதி அமேசான் பிரைமில் வெளியாக உள்ள நிலையில், இப்படத்தின் பாடல் ஒன்று மூன்று மொழிகளில் தற்போது வெளியாகியுள்ளது.
பெண் குயின் திரைப்பட போஸ்டர் தமிழில் ’கோலமே’, தெலுங்கில் ’ப்ராணமே’, மலையாளத்தில் ’ஓமலே’ ஆகிய பெயர்களில் மூன்று மொழிகளில் படத்தின் பாடல்கள் வெளியாகி உள்ளன. இப்பாடலை சுஷா பாடியுள்ளார்.
இது குறித்து இசையமைப்பாளர் சந்தோஷ் நாராயணன் பேசுகையில், "இப்பாடல் ஊரடங்கு காலத்தில் இசையமைக்கப்பட்ட முதல் பாடல். பல கிலோ மீட்டர் தூரத்திலிருந்து இப்படத்தில் பணிபுரிந்த எனது தொழில்நுட்பக் கலைஞர்களுக்கும், என் மீது நம்பிக்கை வைத்த தயாரிப்பாளர், இயக்குனர் ஆகியோருக்கும் மிக்க நன்றி.
எனக்கு அளிக்கப்பட்ட சுதந்திரத்தால்தான் இந்தப் பாடல் மிக நன்றாக வந்துள்ளது. ’கோலமே’ பாடல் எனக்கு மிகவும் பிடித்த பாடல். ஏனென்றால் இந்தப் பாடல் முழுவதும் தனிமையில் உருவாக்கப்பட்டுள்ளது. அது மட்டுமல்லாமல் எனது முழுத்திறமையையும் வெளிப்படுத்த இந்தப் பாடல் வாய்ப்பாக அமைந்தது" எனத் தெரிவித்துள்ளார்.
இதையும் படிங்க :சம்பளத்தைக் குறைக்க முடிவுசெய்த 'பெண் குயின்'!
