பட்லாபூர், அந்தாதுன் உள்ளிட்ட படங்களை இயக்கியதன் மூலம் பிரபலமாக அறியப்படுபவர் இயக்குநர் ஸ்ரீராம் ராகவன். இவர் விஜய் சேதுபதியை வைத்து அடுத்த படத்தை இயக்கவுள்ளதாக முன்பே அறிவிக்கப்பட்டிருந்தது. இதில் அவருக்கு ஜோடியாக கத்ரீனா கைஃப் நடிக்கவுள்ளார்.
இந்நிலையில் இப்படத்தின் படப்பிடிப்பு வரும் 15ஆம் தேதி தொடங்கும் எனப் படக்குழு தெரிவித்திருந்தது. ஆனால் அதற்குள் நடிகை கத்ரீனா கைஃபுக்கு கரோனா தொற்று உறுதியானதால் படத்தின் படப்பிடிப்பு தள்ளிப்போனது.