தெலுங்கில் ரீமேக்காகும் சிவகார்த்திகேயன் படம்!

நடிகர் சிவகார்த்திகேயன் தயாரிப்பில் ஐஸ்வர்யா ராஜேஷ் நடிப்பில் வெளியாகி வெற்றிப்பெற்ற ‘கனா’ திரைப்படம், தெலுங்கில் ரீமேக் செய்யப்பட உள்ளது.

பாடலாசிரியர், பாடகர், நடிகர் என்று ரசிகர்களிடையே நன்கு அறியப்பட்ட அருண்ராஜா காமராஜ், தமிழ் சினிமாவில் இயக்குநராக அறிமுகமான படம் ‘கனா’. பெண்கள் கிரிக்கெட்டை மையமாக வைத்து எடுக்கப்பட்ட இந்தப் படத்தில் ஹீரோயினாக ஐஸ்வர்யா ராஜேஷ் நடித்திருந்தார். அவருடைய அப்பாவாக சத்யராஜ் நடித்திருந்தார்.

இப்படம் வெளியாகி வசூல் மற்றும் விமர்சனம் ரீதியாக பெரிய வரவேற்பை பெற்றது. அத்துடன் ஐஸ்வர்யா ராஜேஷின் நடிப்புக்கும் பாராட்டுக்கள் குவிந்தன. முதல் முறையாக படம் தயாரித்த சிவகார்த்திகேயனுக்கு, நல்ல தயாரிப்பாளர் என்கிற பெயரையும் பெற்று தந்தது. இந்த படம் தற்போது தெலுங்கில் ரீமேக் செய்ய உள்ளனர்.

‘கனா’ படத்தில் ஐஸ்வர்யா ராஜேஷின் கதாபாத்திரமான ‘கெளசல்யா முருகேசன்’ என்பதைக் கொஞ்சம் மாற்றி ‘கெளசல்யா கிருஷ்ணமூர்த்தி கிரிக்கெட்டர்’ என்று தெலுங்கு படத்திற்கு தலைப்பு வைத்துள்ளனர்.

தெலுங்கிலும் ஐஸ்வர்யா ராஜேஷே் கதாநாயகியாக நடிக்கிறார். இப்படத்தை பீமனேனி சீனிவாசராவ் இயக்குகிறார். இதில் ராஜேந்திர பிரசாத், வெண்ணிலா கிஷோர் ஆகியோரும் நடிக்கின்றனர். தமிழைபோல தெலுங்கிலும் கனா திரைப்படம் ஹிட்டாகும் என்று அடித்து சொல்கின்றனர் சினிமா ஆர்வலர்கள்.