யூ-ட்யூப் தளத்தில் சாதனை படைக்கும் 'கனா' திரைப்பட பாடல்கள்!

நடிகை ஐஸ்வர்யா ராஜேஷ் நடிப்பில் வெளியான கனா திரைப்படத்தின் பாடல்கள் யூ-டியூப் தளத்தில் சாதனை படைத்து வருகிறது.

இயக்குநர் அருண்ராஜா காமராஜ் இயக்கத்தில் கடந்த 2018ஆம் ஆண்டு வெளியான திரைப்படம் 'கனா'. பெண்களின் கிரிக்கெட் விளையாட்டை மையமாக வைத்து வெளியான இத்திரைப்படத்தில் நடிகை ஐஸ்வர்யா ராஜேஷ் முதன்மை கதாபாத்திரத்தில் நடித்திருந்தார். நடிகர் சிவகார்த்திகேயன் இத்திரைப்படத்தைத் தயாரித்தார்.

Aishwarya

இந்நிலையில் இத்திரைப்படத்தில் இடம்பெற்றுள்ள 'ஒத்தையடி பாதையில' பாடல் யூ-ட்யூப் தளத்தில் 100 மில்லியன் பார்வையாளர்களைக் கடந்து சாதனை படைத்துள்ளது. இச்செய்தியைப் படத்தின் இயக்குநர் அருண்ராஜா தனது ட்விட்டர் பக்கத்தில் வெளியிட்டுள்ளார். அவரே எழுதியுள்ள, இப்பாடலை இசையமைப்பாளர் அனிருத் பாடியுள்ளார் என்பது குறிப்பிடத்தக்கது.

அதேபோல் இப்படத்தில் நடிகர் சிவகார்த்திகேயனின் மகள் ஆராதனா பாடியுள்ள, 'வாயாடி பெத்த புள்ள' பாடல் யூ-ட்யூப் தளத்தில் 175 மில்லியன் பார்வையாளர்களைக் கடந்து சாதனை படைத்துள்ளது.