வெற்றிமாறன் இயக்கத்தில் தனுஷ், மஞ்சு வாரியர் ஆகியோரின் நடிப்பில் வெளியான படம் ‘அசுரன்’. மேலும் இதில் அம்மு அபிராமி, பசுபதி, பாலாஜி சக்திவேல், கென் கருணாஸ் உள்ளிட்டோரும் முக்கிய வேடங்களில் நடித்திருந்தனர். இதற்கு இசையமைப்பாளர் ஜி.வி. பிரகாஷ் இசையமைத்திருந்தார். எழுத்தாளர் பூமணியின் ‘வெக்கை’ நாவலை தழுவி எடுக்கப்பட்ட இத்திரைப்படத்தை கலைப்புலி எஸ். தாணு தயாரித்திருந்தார்.
அக்டோபர் 4ஆம் தேதி வெளியான அசுரன் திரைப்படம் ரசிகர்கள் மத்தியில் நல்ல வரவேற்பைப் பெற்றது. இப்படத்தில் கதைக்களத்திற்கு ஏற்றவாறு நடிப்பை வெளிப்படுத்தியிருந்த தனுஷ், மஞ்சு வாரியர் என அனைத்து நடிகர்களுக்கும் பலரும் பாராட்டுகளைத் தெரிவித்தனர்.
அதுமட்டுமல்லாது இத்திரைப்படத்தைப் பார்த்த திரையுலக பிரபலங்கள் பலர் தனுஷ், வெற்றிமாறன் ஆகியோரை வெகுவாகப் பாராட்டினர். இதற்கிடையே நடிகர் கமல்ஹாசன் நேற்று இத்திரைப்படத்தைத் தனது மகள் மற்றும் அசுரன் பட நாயகி மஞ்சு வாரியருடன் பார்த்தார். அதன்பின் சிறப்பாக நடித்திருந்த மஞ்சு வாரியரை பாராட்டிய கமல்ஹாசன், பின் லண்டனில் ஷூட்டிங்கில் இருக்கும் தனுஷை செல்ஃபோன் மூலம் தொடர்புகொண்டு தனது வாழ்த்துகளையும், பாராட்டுகளையும் தெரிவித்தார்.
கமல்ஹாசன் உடன் அசுரன் பட நாயகி மஞ்சு வாரியர் மற்றும் ஸ்ருதி ஹாசன் இதேபோன்று படத்தின் இயக்குநர் வெற்றிமாறனையும் தொடர்புகொண்ட கமல்ஹாசன் தனது வாழ்த்தைத் தெரிவித்தார். இந்த பாராட்டால் படக்குழுவினர் மேலும் உற்சாகமடைந்துள்ளனர்.
