பா.இரஞ்சித்தின் காதல் படத்தில் நடிக்கும் காளிதாஸ்

'அட்டகத்தி' படத்தையடுத்து பா.இரஞ்சித் இயக்கும் காதல் படத்தில் நடிகர் காளிதாஸ் நடிக்கவுள்ளார்.

பா.இரஞ்சித் இயக்கத்தில் ஆர்யா, பசுபதி, கலையரசன், துஷாரா விஜயன் உள்ளிட்டோர் நடித்த, 'சார்பட்டா பரம்பரை' படம் ஓடிடியில் வெளியானது.

இப்படத்தை ரசிகர்கள் மட்டுமின்றி திரையுலக பிரபலங்கள் பலரும் பாராட்டினர். அதனைத்தொடர்ந்து பா.இரஞ்சித் 9 ஆண்டுகளுக்குப் பிறகு காதல் படத்தை இயக்கவுள்ளார்.

பா.இரஞ்சித்தின் காதல் படத்தில் நடிக்கும் பிரபலங்கள்

அதில், காளிதாஸ், துஷாரா விஜயன் ஆகியோர் முதன்மை கதாபாத்திரத்தில் நடிக்கவுள்ளனர். அவர்களுடன் இணைந்து அசோக் செல்வனும் முக்கிய வேடத்தில் நடிக்கவுள்ளதாகத் தகவல் வெளியாகியுள்ளது. விரைவில் படத்தின் கூடுதல் தகவல்கள் வெளியாகும் என எதிர்பார்க்கப்படுகிறது.

இதையும் படிங்க:சீனுராமசாமி - ஜி.வி. பிரகாஷ் கூட்டணியில் இணைந்த 'மாமனிதன்' நடிகை!