தூங்காவனம் படத்திற்கு பிறகு ராஜேஷ் எம்.செல்வா இயக்கத்தில் விக்ரம் நடித்துள்ள திரைப்படம் 'கடாரம் கொண்டான்'. இந்த படத்தை கமல்ஹாசனின், ராஜ் கமல் இன்டர்நேஷனல் நிறுவனம் தயாரித்துள்ளது. இப்படத்தில் விக்ரம் காவல்துறை அலுவலராக நடித்துள்ளார். இவருடன் அக்சரா ஹாசன், லீனா உள்ளிட்ட பலர் நடித்துள்ளனர். ஜிப்ரான் இசையமைக்கும் இப்படத்திற்கு சீனிவாஸ் குப்தா ஒளிப்பதிவு செய்துள்ளார்.
கடந்த ஜனவரி மாதம் வெளியான படத்தின் டீசர் ரசிகர்களின் கவனத்தை ஈர்த்து, விக்ரமை வித்தியாசமான கோணத்தில் ரசிக்க வைத்தது. ஒவ்வொரு படத்திற்கும் வித்தியாசம் காட்டும் விக்ரம், இப்படத்தில் கெட்டப்பை மாற்றி சால்ட் அண்ட் பெப்பர் லுக்கில் அனைத்து தரப்பினரையும் வியக்க வைத்துள்ளார்.