நான்கு மொழிகளில் வெளியாகும் க/பெ.ரணசிங்கம்!

சென்னை: கோலிவுட்டில் சமீபத்தில் வெளியாகி வெற்றிபெற்ற க/பெ.ரணசிங்கம் திரைப்படம் தற்போது நான்கு மொழிகளில் டப் செய்து வெளியிடப்படுகிறது.

அறிமுக இயக்குநர் பெ.விருமாண்டி இயக்கத்தில் விஜய் சேதுபதி, ஐஸ்வர்யா ராஜேஷ், ரங்கராஜ் பாண்டே, பவானி ஸ்ரீ உள்ளிட்டோர் நடிப்பில் சமீபத்தில் வெளியான படம் ' க/பெ.ரணசிங்கம்'. கே.ஜே.ஆர் ஸ்டுடியோஸ் நிறுவனம் தயாரித்துள்ள இப்படம் ரசிகர்களிடையே நல்ல வரவேற்பை பெற்றுள்ளது.

இந்நிலையில் இப்படத்திற்கு கிடைத்த வரவேற்பு குறித்து இயக்குநர் விருமாண்டி செய்திக் குறிப்பு ஒன்றை வெளியிட்டுள்ளார். அதில், “பத்திரிகை மற்றும் ஊடகத் துறை நண்பர்கள் அனைவருக்கும் எனது வணக்கங்கள். நான் இயக்குநர் திரு. செல்வாவிடம் துணை,இணை இயக்குநராக பல திரைப்படங்களில் பணியாற்றியுள்ளேன். நான் இயக்கிய க/பெ.ரணசிங்கம் திரைப்படம் சமீபத்தில் வெளியாகி உலகமெங்கும் உள்ள மக்களிடம் மாபெரும் வரவேற்பை பெற்றுள்ளது.

ஐஸ்வர்யா ராஜேஷ்

இதனைத்தொடர்ந்து தெலுங்கு, மலையாளம், கன்னடம், ஹிந்தி உள்ளிட்ட மொழிகளில் இத்திரைப்படம் இன்று (அக்.09) டப் செய்யப்பட்டு வெளியாகிறது. தமிழில் மாபெரும் வெற்றியை தந்த ரசிகர்களுக்கும், மக்களிடம் கொண்டு சேர்த்த அனைத்து பத்திரிகை மற்றும் ஊடகத் துறை நண்பர்களுக்கும் எனது மனமார்ந்த நன்றியை தெரிவித்துக் கொள்கிறேன். மேலும் இப்படத்தில் பணியாற்றிய அனைவருக்கும் நன்றி. நீங்கள் சாத்தியப்படுத்திய வெற்றி சந்தோஷத்தை மட்டுமல்ல அடுத்த படத்திற்கான பொறுப்பையும் தந்துள்ளது” என்று கூறியுள்ளார். மேலும் படப்பிடிப்பு போது எடுக்கப்பட்ட புகைப்படங்களை படக்குழு வெளியிட்டுள்ளது.

க/பெ.ரணசிங்கம் படப்பிடிப்பு

இதையும் படிங்க:பிரபாஸ்- தீபிகா படுகோனே படத்தில் இணைந்த பாலிவுட் மெகா ஸ்டார்!