நடிகை ஜோதிகா 2015ஆம் ஆண்டு வெளியான '36 வயதினிலே' படத்தின் மூலம் தமிழ் சினிமாவில் ரீ-என்ட்ரி கொடுத்தார். இதனையடுத்து அவர் பெண்களை மையமாகக் கொண்டு உருவாகும் படங்களைத் தேர்வு செய்து நடித்து வருகிறார்.
அந்த வகையில், 'மகளிர் மட்டும்', 'நாச்சியார்', 'ராட்சசி', 'காற்றின் மொழி', 'ஜாக்பாட்', 'தம்பி', 'பொன்மகள் வந்தாள்', 'உடன்பிறப்பே' உள்ளிட்டப் பல படங்களில் ஜோதிகா முன்னணி கதாபாத்திரங்களில் நடித்துள்ளார்.
ராதா மோகன் இயக்கத்தில் 2018ஆம் ஆண்டு வெளியான காற்றின் மொழி திரைப்படம் ஜோதிகாவுக்கு பெரும் திருப்பு முனையாக அமைந்தது. பாலிவுட்டில் வித்யா பாலன் நடிப்பில் வெளியான 'தும்கரி சுலு' படத்தின் அதிகாரப்பூர்வ ரீமேக்காக இப்படம் உருவாக்கப்பட்டது.