ஜோதிகாவை கலாய்க்கும் விஜய் ரசிகர்கள்!

’மெர்சல்’ படத்தில் நடிக்கும் வாய்ப்பை தவறவிட்டதற்கு, விஜய் ரசிகர்கள் ஜோதிகாவை கலாய்த்து வருகின்றனர்.

தமிழ் சினிமாவின் பிரபல நடிகையாக வலம்வந்தவர் ஜோதிகா, சூர்யாவை திருமணம் செய்த பிறகு சில காலம் நடிக்காமல் இருந்தார். தற்போது தனது கதாபாத்திரத்துக்கு முக்கியத்துவம் அளிக்கும் கதைகளை தேர்ந்தெடுத்து நடித்து வருகிறார்.

அவர் விஜய்க்கு ஜோடியாக குஷி, திருமலை போன்ற வெற்றிப்படங்களில் நடித்திருக்கிறார். 2017ஆம் ஆண்டு விஜய் நடிப்பில் உருவான ‘மெர்சல்’ படத்தில் அவருக்கு நடிக்க வாய்ப்பு கிடைத்தது. அந்த கதாபாத்திரத்தை அவர் மறுத்துவிட்டார். பிறகு அதில் நித்யா மேனன் நடித்தார்.

இதுகுறித்து ஜோதிகா சமீபத்தில் அளித்த பேட்டி ஒன்றில், எனக்கும் இயக்குநருக்கும் ஸ்கிரிப்ட் குறித்து கருத்து வேறுபாடு ஏற்பட்டது. அதனால் படத்தில் நடிக்க முடியவில்லை. இதுதான் காரணம் என்று கூறினார்.

ஜோதிகா மறுத்த கதாபாத்திரத்தில் நடித்த நித்யா மேனன், பிலிம்ஃபேரில் சிறந்த நடிகைக்கான விருது வென்றார் என்பது குறிப்பிடத்தக்கது. இதனை குறிப்பிட்டு விஜய் ரசிகர்கள் ஜோதிகாவை கலாய்த்து வருகின்றனர்.