தொற்று நோயால் பாதிக்கப்பட்டுள்ளேன் - ரசிகர்கள் ஷாக் கொடுத்த ஜஸ்டீன் பீபர்

குணப்படுத்த முடியாத நோயாக கருத்தப்படும் லைம் பொரெலியோசிஸ் என்ற தொற்று நோயால் பாதிக்கப்பட்டுள்ள ஜஸ்டின் பீபர், அதிலிருந்து மீண்டு வருவதாகத் தெரிவித்துள்ளார்.

லாஸ் ஏஞ்சலிஸ்: பாக்டீரியாக்கள் மூலம் பரவி உடலில் ஒட்டுண்ணி ஏற்படும் லைம் பொரெலியோசிஸ் என்ற நோயால் பாதிக்கப்பட்டுள்ளதாக கனடாவைச் சேர்ந்த பாப் பாடகர் ஜஸ்டின் பீபர் தெரிவித்துள்ளார்.

25 வயதாகும் ஜஸ்டின் பீபர் தனது இன்ஸ்டாகிராம் பக்கத்தில் இந்த நோய் பாதிப்பு குறித்து குறிப்பிட்டுள்ளார். அதில், 'ஜஸ்டின் பீபர் தோற்றம் முன்பு போல் இல்லாமல் உள்ளது. அவரின் செய்லபாடுகளிலும் மாற்றங்கள் உள்ளது என ஏராளமானோர் கூறுகின்றனர். பாக்டீரியாக்கள் தாக்கியதால் ஏற்படும் லைம் நோயால் (லைம் பொரெலியோசிஸ்) பாதிக்கப்பட்டுள்ளேன் என்பதை அவர்கள் தெரிந்துகொள்ள தவறிவிட்டனர்.

இந்த நோய் தொற்று தற்போது தீவிரம் அடைந்துள்ளதால் எனது தோல், மூளையின் செயல்பாடு, ஆற்றல் என ஒட்டுமொத்த உடலிலும் பாதிப்பு ஏற்பட்டு பல்வேறு மாற்றங்கள் நிகழ்ந்துள்ளது. இதை எதிர்த்து போராடி வருவதுடன், கொஞ்சம் கொஞ்சமாக மீண்டு வருகிறேன். இதுபற்றி எனது டாக்குமெண்டரி கதையில் விவரிக்கப்பட்டு விரைவில் யூடியூப்பில் வெளியிடப்படும்.

குணப்படுத்த முடியாத நோயாக கருத்தப்படும் இந்த லைம் நோயிலிருந்து விடுபட கடந்த இரண்டு வருடங்களாக உரிய மருத்துவ சிகிச்சை பெற்று வருகிறேன். நான் முன்புபோல் மீண்டும் திரும்புவேன் என்று பதிவிட்டுள்ளார்.

அமெரிக்கர்களில் சுமார் 3 லட்சம் பேர் இந்த லைம் நோயால் பாதிக்கப்பட்டிருப்பதாகக் கூறப்படும் நிலையில், பல்வேறு பிரபலங்களும் லைம் நோயினால் பாதிக்கப்பட்டு அதனை எதிர்கொண்டு வருகின்றனர்.

கடந்த சில நாட்களுக்கு முன் 'யம்மி' என்ற பெயரில் சோலோ சிங்கிள் பாடலை வெளியிட்டார் பீபர். நான்கு ஆண்டுகள் இடைவெளிக்குப் பிறகு அவர் வெளியிடும் சிங்கிள் பாடலாக இது அமைந்துள்ளது.