தமிழ் சினிமாவின் முன்னணி நடிகராக வலம்வருபவர் ஜெயம் ரவி. இவர் இயக்குனர் லக்ஷ்மண் இயக்கத்தில் ரோமியோ ஜூலியட், போகன் படங்களை தொடர்ந்து தனது 25ஆவது படமாக ’பூமி’ படத்தில் நடித்துவருகிறார். நிதி அகர்வால், சரண்யா பொன்வணணன் உள்ளிட்டோர் நடித்துள்ள இப்படத்திற்கு டி.இமான் இசையமைத்துள்ளார்.
இதன் பாடல்கள் வெளியாகி ரசிகர்கள் மத்தியில் நல்ல வரவேற்பை பெற்றுள்ளது. படம் திரையரங்குகளில் வெளியாகும் என்று எதிர்பார்த்திருந்த நிலையில் தற்போது பூமி திரைப்படம் வருகிற பொங்கலுக்கு டிஸ்னி ஹாட்ஸ்டார் ஓடிடி தளத்தில் வெளியாகும் என படக்குழுவினர் நேற்று (டிச. 24) அறிவித்தனர்.