பிரதீப் ரங்கநாதன் இயக்கத்தில் ஜெயம் ரவி, காஜல் அகர்வால், சம்யுக்தா ஹெக்டே ஆகியோர் முன்னணி கதாபாத்திரம் ஏற்றுள்ள படம் ‘கோமாளி’. வேல்ஸ் பல்கலைக்கழக நிறுவனர் ஐசரி கணேஷ் தயாரிக்கும் இந்த படத்துக்கு ஹிப் ஹாப் ஆதி இசையமைக்கிறார், ரிச்சர்ட் எம். நாதன் ஒளிப்பதிவு செய்கிறார். இயக்குநர் கே.எஸ். ரவிக்குமார், யோகி பாபு ஆகியோர் முக்கிய கதாபாத்திரம் ஏற்று நடித்துள்ளனர்.
ஆதாம் ஏவாளாய் மாறிய ஜெயம் ரவி - காஜல் ஜோடி: கோமாளி படத்தின் புதிய போஸ்டர்? - காஜல் அகர்வால்
ஜெயம் ரவி நடிப்பில் உருவாகியுள்ள ‘கோமாளி’ படத்தின் புதிய போஸ்டர் வெளியாகியுள்ளது.
comali
’கோமாளி’ திரைப்படம் வருகிற ஜூன் 21ஆம் தேதி வெளியாகவுள்ளது. இந்த படத்தின் மீதான எதிர்பார்ப்பை அதிகரிக்கச் செய்ய படக்குழுவினர் ஒரு வித்தியாசமான முயற்சியை மேற்கொண்டுவருகின்றனர். விதவிதமான போஸ்டர்களை வெளியிட்டு படக்குழு நல்ல வரவேற்பை பெற்றிருக்கிறது.
கற்கால மனிதன், அரசன், கோபக்கார இளைஞன் என இதுவரை ஆறு போஸ்டர்களை வெளியிட்டிருந்தனர். தற்போது ஏழாவது போஸ்டராய் வெளியாகியுள்ளது இந்த ஆதாம் ஏவாள் கெட்டப். இதுவும் சமூக வலைதளங்களில் வைரலாகி வருகிறது.