குழந்தை நோயாளிகளை சந்தித்து ஊக்கமளித்த அக்வா மேன்!

கேம் ஆஃப் த்ரான்ஸ், அக்வாமேன் புகழ் அமெரிக்க நடிகர் ஜேசன் மோமா சிறு வயது நோயாளிகளை சந்தித்து அவர்களுக்கு ஊக்கமளித்து இன்ஸ்டாகிராம் பக்கத்தில் புகைப்படங்களை பகிர்ந்துள்ளார்.

வாஷிங்டனின் பிட்ஸ்பர்க் நகரிலுள்ள குழந்தைகள் மருத்துவமனை ஒன்றிற்கு சமீபத்தில் சென்ற பிரபல ஹாலிவுட் நடிகர் ஜேசன் மோமா, உலகம் முழுவதுமுள்ள சிறு வயது நோயாளிகளை ஊக்குவிக்கும் விதமாக தன் இன்ஸ்டாகிராம் பக்கத்தில் புகைப்படங்களை பகிர்ந்துள்ளார்.

இதுகுறித்து, அக்வா மேனாக இருப்பதால் இதுபோன்ற குழந்தைகளை அதிகமாக தன்னால் உற்சாகப்படுத்த முடிகிறது என்றும், தன்னுடைய அலோஹா குடும்பத்தைச் சேர்ந்த இவர்களைப் போன்ற வீரமிக்க குழந்தைகளை சந்தித்ததில் மகிழ்ச்சி என்றும் தெரிவித்துள்ளார்.

தற்போது தான் நடித்து வரும் நெட்ஃப்ளிக்ஸ் தொடரான ஸ்வீட் கேர்ள் படப்பிடிப்பிலிருந்து ஓய்வெடுத்துக்கொண்டு மருத்துவமனை சென்று நடிகர் ஜேசன் மோமா இக்குழந்தைகளை ஊக்குவித்துள்ளார்.

இந்தக் குழந்தைகளின் பெற்றோர்களையும் சந்தித்து ஊக்குவித்த நடிகர் ஜேசன் மோமாவை பிட்ஸ்பர்கைச் சேர்ந்த மருத்துவமனை நிர்வாகம் பாராட்டி ட்வீட் செய்துள்ளது குறிப்பிடத்தக்கது.

இதையும் படிங்க:குடும்ப வாழ்வில் கவனம் செலுத்த விரும்புகிறேன் - தந்தை பூரிப்பில் டேரண்டினோ!