கோலிவுட்டில் முதல்முறையாக டைம் லூப்பை அடிப்படையாக வைத்து உருவாகியுள்ள திரைப்படம், 'ஜாங்கோ'. மனோ கார்த்திக் எழுதி, இயக்கிய இந்தப் படத்தை திருக்குமரன் தயாரித்துள்ளார்.
அறிமுக நடிகர் சதீஷ் குமார், மிருணாளின் ஆகியோர் இப்படத்தில் நடித்துள்ளனர். இவர்களுடன் கருணாகரன், ரமேஷ் திலக், அனிதா சம்பத் முன்னணி கதாபாத்திரங்களில் நடித்திருக்கின்றனர்.
ஜாங்கோ படத்தின் ட்ரெய்லர் சமீபத்தில் வெளியாகி நல்ல வரவேற்பு பெற்றது. இந்நிலையில் படத்தின் ரிலீஸ் தேதி குறித்த அறிவிப்பைப் படக்குழு அறிவித்துள்ளது.
அதன்படி அடுத்தமாதம் 19 ஆம் தேதி உலகம் முழுவதும் திரையரங்குகளில் இப்படம் வெளியாகவுள்ளது. முதல்முறையாக டைம் லூப் வைத்து உருவாகியுள்ள இத்திரைப்படத்தைக் காண ரசிகர்கள் ஆர்வமாக உள்ளனர்.
இதையும் படிங்க:ஓடிடியில் வெளியாகிறதா தனுஷ் படங்கள்!