ரோபோடிக்ஸ் டெக்னாலஜி, அனிமேஷனை மையமாக வைத்து உருவாகிவரும் திரைப்படம், 'பிரேக்கிங் நியூஸ்'. நடிகர் ஜெய் ஹீரோவாக நடிக்கும் இப்படத்தை கே. திருக்கடல் உதயம் தயாரித்து வருகிறார். ஆண்ட்ரூ பாண்டியன் இப்படத்தை இயக்கியுள்ளார்.
பிரமாண்டமாக உருவாகும் இப்படத்தில் கதாநாயகியாக பானுஸ்ரீ, பிக்பாஸ் சினேகன், பழ. கருப்பையா, தயாரிப்பாளர் அழகிய தமிழ்மணி, தேவ்கில், ராகுல் தேவ் ஆகியோர் நடித்து வருகின்றனர்.
மிகுந்த பொருட்செலவில் தயாராகும் 'பிரேக்கிங் நியூஸ்' படத்தில் ஜெய், ரோபோட்ஸ்களுடன் சண்டைபோடும் காட்சிகள் இடம்பெற்றுள்ளது. அந்த காட்சி மிகவும் பிரமாண்டமாக எடுக்கப்பட்டுள்ளதாக படத்தின் இயக்குநர் தெரிவித்துள்ளார்.
மேலும் சமீபத்தில் நடந்த படப்பிடிப்பில் ஐந்தாயிரம் துணை நடிகர்களோடு, பிக்பாஸ் சினேகன் போராட்டக்களத்தில், போராளியாக நடித்துள்ளது குறிப்பிடத்தக்கது. விரைவில் படத்தின் டிரெய்லர் திரையரங்குகளில் வெளியாகும் என எதிர்பார்க்கப்படுகிறது.
இதையும் படிங்க:மறுபடியும் லீக்கான பீஸ்ட் புகைப்படம் - அதிருப்தியில் இயக்குநர்
