தனுஷ் பிறந்த நாளில் வெளியாகும் 'ஜகமே தந்திரம்' படத்தின் 'ரகிட ரகிட' ஃபர்ஸ்ட் சிங்கிள்

சென்னை: தனுஷ் நடிப்பில் உருவாகியுள்ள 'ஜகமே தந்திரம்' படத்தின் ஃபர்ஸ்ட் சிங்கிள் வெளியாகும் தேதியை படக்குழுவினர் அறிவித்துள்ளனர்.

ஒய் நாட் ஸ்டுடியோஸ் தயாரிப்பில் கார்த்திக் சுப்புராஜ் இயக்கத்தில் நடிகர் தனுஷ் நடிப்பில் உருவாகியுள்ள படம் 'ஜகமே தந்திரம்'. தனுஷின் நாற்பதாவது படமான இந்த படத்திற்கு சந்தோஷ் நாராயணன் இசை அமைத்துள்ளார்.

ஐஸ்வர்யா லக்ஷ்மி, கலையரசன், ஹாலிவுட் நடிகர் ஜேம்ஸ் காஸ்மோ ஆகியோர் நடித்துள்ள இந்த படத்தின் படப்பிடிப்பு லண்டன், மதுரை உள்ளிட்ட இடங்களில் நடைபெற்றது. போஸ்ட் புரொடக்ஷன் பணிகள் நிறைவடைந்த நிலையில் மே 1ஆம் தேதி திரைக்கு வரவிருந்த இப்படம் ஊரடங்கு உத்தரவு காரணமாக தள்ளிப்போனது.

ஏற்கனவே இந்த படத்தின் மோஷன் போஸ்டர்கள் வெளியாகி வரவேற்பை பெற்ற நிலையில், படத்தின் ஃபர்ஸ்ட் சிங்கிள் பாடலான 'ரகிட ரகிட' ஜூலை 28ஆம் தேதி வெளியாகும் என படக்குழு அறிவித்துள்ளது.

ஜூலை 28ஆம் தேதி தனுஷின் பிறந்தநாள், அதன் காரணமாகவே இப்பாடலை படக்குழுவினர் அன்று வெளியிடுகின்றனர்.