விஜய்சேதுபதி மாதவன் நடிப்பில் வெற்றிபெற்ற 'விக்ரம்வேதா' திரைப்படத்தில் விஜய் சேதுபதியின் தம்பியாக நடித்திருந்தவர் நடிகர் கதிர். விக்ரம் வேதா வெற்றிக்கு பிறகு 'பரியேறும்பெருமாள்' படத்தில் நடித்திருந்தார். நல்ல கதைகளை தேர்ந்தெடுத்து அடுத்தடுத்த படங்களில் நடித்து வருகிறார்.
’நீ அடிக்க போற ஒரு ஷாட், அந்த ஒரு ஷாட் நிக்கனும்’ - ஜடா டீசர்!
பொயட் ஸ்டுடியோ நிறுவனம் தயாரிப்பில் அறிமுக இயக்குனர் குமரன் இயக்கிய 'ஜடா'படத்தில் சென்னை கால்பந்தாட்ட இளைஞனாக கதிர் நடித்திருக்கிறார்.
சென்னை கால்பந்தாட்ட இளைஞனாக கதிர்
அந்த வகையில் அறிமுக இயக்குனர் குமரன் இயக்கிய 'ஜடா' படத்தில் கால்பந்தாட்ட வீரராக நடித்திருக்கிறார். பொயட் ஸ்டுடியோ நிறுவனம் தயாரித்திருக்கும் இந்த படத்தில் சென்னை கால்பந்தாட்ட இளைஞனாக கதிர் நடித்துள்ளார். இதில் யோகிபாபு, ஆடுகளம் கிஷோர், லிஜீஸ், ஓவியர் ஸ்ரீதர் உள்ளிட்டோர் முக்கிய கதாபாத்திரம் ஏற்று நடித்திருக்கின்றனர்.
ஆக்ஷன் திரில்லராக கால்பந்தாட்ட விளையாட்டின் இன்னொரு பக்கத்தை சுவாரசியமான திரைக்கதையோடு கூறும் இந்த படத்தின் டீசரை நடிகர்கள் மாதவன், விஜய்சேதுபதி, ஷ்ரத்தா, வரலட்சுமி, இயக்குனர்கள் புஷ்கர் காயத்ரி, தயாரிப்பாளர் சசி உள்ளிட்டோர் வெளியிட்டனர். இப்படத்தின் டீசரில் ’நீ அடிக்க போற ஒரு ஷாட் அந்த ஒரு ஷாட் நிக்கனும்’ இந்த வசனம் ரசிகர்கள் மத்தியில் வரவேற்பை பெற்றுள்ளது.