இலங்கையை பூர்வீகமாகக் கொண்ட ஜாக்குலின் பெர்னாண்டஸ் பாலிவுட்டில் முன்னணி கதநாயகியாக வலம் வருகிறார். இவர் மர்டர் 2, ஹவுஸ்புல் 2, திக் பிரதர்ஸ் உள்ளிட்ட பல படங்களில் நடித்துள்ளார்.
சமீபத்தில் பிரபாஸ் நடிப்பில் வெளியான சாஹோ படத்தில் பேட் பாய் என்னும் பாடலுக்கு நடனமாடி தென்னிந்திய ரசிகர்களை கிறங்கடித்தார். இவர் தற்போது தனது சமூகவலைத்தளத்தில் புகைப்படம் ஒன்றை பதிவிட்டுள்ளார்.
பாபாஜி புகைப்படம் முன்பு தியான நிலையில் ஜாக்குலின் அமர்ந்துள்ளார். இப்புகைப்படத்தை அவர் பதிவிட்ட சிலமணி நேரத்திலேயே ரசிகர்கள் அதை லைக்ஸ் செய்தும் பகிர்ந்தும் வருகின்றனர். ஜாக்குலின் தற்போது நெட்பிளிக்ஸ் தயாரிப்பில் உருவாகி உள்ள ட்ரைவ் (Drive) என்ற படத்தில் நடித்துள்ளார்.
பாபாஜியை சூப்பர்ஸ்டார் ரஜினிகாந்த்தும் பின்பற்றி வரும் நிலையில், அந்த வரிசையில் தற்போது ஜாக்குலினும் இணைந்திருக்கிறாரா என்ற கோணத்தில் ரசிகர்கள் சிலர் பதிவிட்டு வருகின்றனர். மேலும், சமீபத்தில் இமயமலைக்குச் சென்று ரஜினி வீடு திரும்பியிருப்பது குறிப்பிடத்தக்கது.