'தி ஃபேமிலி மேன்' 3ஆம் பாகத்தில் விஜய் சேதுபதி?

முன்னணி ஓடிடி தளமான அமேசான் பிரைமில் வெளியாகி சர்ச்சையைக் கிளப்பிய தொடர் 'தி ஃபேமிலி மேன்-2'. இத்தொடரின் மூன்றாம் பாகத்தில் நடிகர் விஜய் சேதுபதி நடிக்கிறாரா என்பது குறித்து, அவரது தரப்பில் விளக்கம் அளிக்கப்பட்டுள்ளது.

சென்னை:'தி ஃபேமிலி மேன்' இணையத் தொடரின் மூன்றாம் பாகத்தில், நடிகர் விஜய் சேதுபதி நடிக்க உள்ளதாகத் தகவல் வெளியானது. ஆனால், இதற்கு விஜய் சேதுபதி தரப்பில் இருந்து மறுப்பு தெரிவிக்கப்பட்டுள்ளது.

முன்னணி ஓடிடி தளமான 'அமேசான் பிரைமில்', வெளியாகி பெரும் சர்ச்சையைக் கிளப்பியுள்ள தொடர் 'தி ஃபேமிலி மேன்-2'. இதில், மனோஜ் பாஜ்பாய், பிரியாமணி, சமந்தா உள்ளிட்டோர் நடித்துள்ளனர்.

இயக்குநர் ராஜ், டி.கே இயக்கிய இத்தொடர் ஈழத்தமிழர்கள் தவறாகச் சித்தரித்துள்ளதாகப் பல்வேறு தரப்பில் இருந்தும், இத்தொடருக்கு கடும் கண்டனங்களும், எதிர்ப்பும் எழுந்தன.

இந்த நிலையில், இத்தொடரின் அடுத்த பாகத்தில் விஜய் சேதுபதி நடிக்க உள்ளதாகத் தகவல் வெளியாகியுள்ளது.

அண்மையில், இத்தொடரின் இயக்குநர் மற்றும் மனோஜ் பாஜ்பாய் ஆகியோர் விஜய் சேதுபதியைச் சந்தித்து பேசியதாக, மனோஜ் பாஜ்பாய் அளித்த பேட்டி ஒன்றில் தெரிவித்ததாகக் கூறப்படுகிறது.

ஆனால், இந்தத் தகவலில் உண்மை இல்லை என்று நடிகர் விஜய் சேதுபதி தரப்பில் இருந்து மறுப்பு தெரிவிக்கப்பட்டுள்ளது.